Ֆրանչիսկոս Պապին թուիթը` ''ունկնդրենք հողին եւ աղքատին ճիչը''

(Ռատիօ Վատիկան) Մայր - Երկրի միջազգային օրուան առթիւ, որուն այս տարուայ նիւթն է ''Երկրի համար ծառեր'', Ֆրանչիսկոս Սրբազան Քահանայապետը, 22 ապրիլ 2016-ին, Քահանայապետական @pontifex թուիթերեան կայքին վրայ հրապարակեց թուիթ մը` որուն մէջ հրաւիրեց բնապահպանական իսկական մօտեցում ունենալ ու հոգ տանիլ կենսոլորտին, ունկնդրելով հողին եւ աղքատներուն ճիչը։

''Բնապահպանական իսկական մօտեցում մը, գիտէ խնամել կենսոլորտն ու արդարութիւնը, ունկնդրելով հողին ճիչը` ճիչը աղքատներուն'' գրեց Նորին Սրբութիւնը։